Бишкек милициясы борбор калаадагы Көк-Жар конушундагы чоң жер тилкелерин мыйзамсыз сатуу боюнча коррупциялык схема аныкталганын кабарлап, мурда Көк-Жар айыл аймагынын башчысы болуп турган Ноокат районунун акимин камакка алды.
Ички иштер министрлиги Ак-Ордогу эки адамдын өлүмүнө шектүү жаран качууга аракет кылып, жок кылынганын кабарлады.
Өткөн жумада мурдагы баш прокурор Аида Салянова Фейсбук баракчасына 2014-жылы киши колдуу болгон Камила Дүйшөбаеванын өлүмү тууралуу түз эфир уюштурарын билдирген. Салянова анда 11 жыл мурда болгон кылмыштын Айсулуу Мукашеванын өлүмүнө кандай байланышы барын айтмакчы болгон.
ЖК өзүн өзү таркаткандан кийин мөөнөтүнөн мурда парламенттик шайлоо өткөнү жатат. Шайлоо күнү 30-ноябрга белгиленди. Эки айдан кийин өтө турган добуш берүү жаңы мыйзамдын негизинде уюштурулат. Барган сайын шайлоочулардын активдүүлүгү төмөндөөдө. БШК талапкерликке арыз жазгандарды жарыялай баштады.
17 жаштагы окуучу кыздын өлүмүнө байланыштуу талкуулар токтой элек. Бул үрөй учурган окуя кыргыз коомунда резонанс жаратып, укук коргоо, сот тармагына курч сындар айтылууда. "Азаттыктын" кабарчылары каргашалуу окуя болгон жерге барып келди.
Кыргызстанда психиатриялык ооруканада жатып кылмыштуу топ түзгөн деп 40 жаштагы киши камакка алынды. Милициянын маалыматында, жети жыл мурун укук коргоо органынын мурдагы кызматкерин өлтүргөн деп айыпталган жаран жазадан качуу үчүн “акыл-эсинен айныган” деген жасалма аныктама алган.
Орусиянын Красноярск аймагында полиция борборазиялык мигранттар чогулуп, концерт өтүп жаткан жайга бастырып кирип, рейд жүргүзгөнү талкуу жаратууда. Алардын арасында кыргыз жараны дагы болгонун Тышкы иштер министрлиги тастыктады.
Өткөн айда орусиялык альпинист Наталья Ногавицинанын Жеңиш чокусунда бутун сындырып алып, 7200 метр бийиктикте калып кеткен окуясы кыргыз тоолорундагы альпинизм, андагы тагдырлар тууралуу кызыгууну күчөттү.
Бишкектеги мектептерде окуучулардын саны көп болуп, маселе жаралганы парламентте көтөрүлдү. Депутат Дастан Бекешев өкмөттү бул көйгөйгө көңүл бурууга чакырды. Айрым учурда балдардын саны бир класста 50дөн ашып жатканын мугалимдер дагы жашырышкан жок.
Кыргыз өкмөтү эттин баасын көзөмөлгө алып, үч айлык көзөмөл киргизмей болду. Экономика жана коммерция министрлигинин маалыматында, мындан ары аймактарда жана борбордо эттин баасы 650-690 сомдон сатылууга тийиш.
Эл ташыган айдоочулар милдеттүү түрдө лицензия алууга тийиш. Оң рулдуу автоунаалар менен жүргүнчү ташууга, Телеграмдан кардар топтогонго тыюу салынат. Такси кызматына тиешелүү мыйзам 22-августта күчүнө кирип, талапты аткарбагандар айыпка жыгылат.
Украинадагы согушта орус күчтөрү колдонгон дрондорду чогулткан “Алабуга Политех” окуу жайына тапшырган кыргызстандык студенттер арбын. Алар окуу жайга онлайн оюн аркылуу тандалып алынган. “Азаттык” бул улан-кыздардын ата-энелери менен маектешти.
Украинадагы согушта орус күчтөрү колдонгон дрондорду чогулткан “Алабуга Политех” окуу жайына тапшырган кыргызстандык студенттер бар. Алар окуу жайга онлайн оюн аркылуу тандалып алынганын окуучулардын ата-энелери “Азаттыкка” айтып беришти.
Бишкектин Көк-Жар-2 конушунда мыйзамсыз делген турак-жай курулуштары түрттүрүлүп жатат. Буга нааразы болуп топтолгон жарандардын айрымдарын милиция кармап кетти.
Жулунган бадалдар, топтолгон таштанды, куураган бак-дарак. Бишкектин "өпкөсү" аталган Ботаникалык бактын Ахунбаев көчөсүндөгү ири бөлүгү учурда кагырап турат. Бул маселе соңку күндө социалдык тармактарда талкуу жаратып жатат.
Улуттук илимдер академиясы Бишкектеги Ботаникалык бактын абалы тууралуу талкууларга комментарий берди. Анда бул жайды жаңылоого байланыштуу ири долбоор башталганын, анын алкагында комплекс толугу менен оңдолуп-түзөлөрүн билдирди.
Агартуу министри Догдуркүл Кендирбаева Кыргызстан 12 жылдык окутууга өткөнүн жарыялады. Биринчи радиого курган маегинде, окуу куралдары даярдалып жатканын жана заманбап стандарттар менен окутуу программалары түзүлгөнүн белгиледи. 12 жылдык окууда балдар мектепке алты жаштан тарта барышат.
Москванын мэри Сергей Собянин РИА Новости агенттигине маек куруп, ар бир мигранттын кирип-чыгышы, каттоого турушу, баскан-турганын аныктай турган атайын программа иштелип жатканын маалымдады.
Бишкектеги Улуттук госпиталдын жамааты аталган оорукананын дарыгерлери сабалган окуяларга байланыштуу бийлик башчыларына видео кайрылуу жолдошту.
Бишкекте Улуттук госпиталдын ординатору менен бейтаптын жакындарынын ортосундагы чыр талкууга түштү. Ординатор бейтаптын жакындары сабаганын, мээси чайкалып ооруканада жатканын билдирсе, экинчи тарап аны орой мамиле кылып, тилдеди деп милицияга кайрылган.
Дагы жүктөңүз
